وار-قه‌يسه‌ر حه‌سه‌ن

ژ سه‌ده‌ما بارانێن دو رۆژێن بۆري، دوهي جاره‌كادن له‌هييه‌كێ ب سه‌ر شنگالێ دا گرت و د ئه‌نجاما وێدا كچه‌كا ته‌مه‌ن 14 سال ب خه‌ندقينێ جانێ خۆ ژ ده‌ستدا.

ئێك ژ مالباتا وێ بۆ رۆژنامه‌يا وار گۆت: ده‌ما ئنتصار ژ قوتابخانه‌يێ‌ به‌ر ب مال ڤه‌دگه‌ڕيا، ب شاشيڤه‌ كه‌فته‌ دناڤا لێهمشتێن باراناندا، له‌و وێ نكاري كۆنترۆلێ‌ ل سه‌ر خوه‌ بكه‌ت و وێ نه‌هالێ‌ ده‌ربازبكه‌ت، ئاماژه‌كر ژى له‌هيێ ئه‌و بۆ ماوه‌يێ سێ ساتان بێ سه‌روشوون كر و پشتى وي ده‌مي لاشێ وێ‌ ل ته‌نشت خانسۆرا كه‌ڤن هاته‌ ديتن.

ژ ئاليێ‌ خوه‌ ڤه‌ سلێمان فانۆ سه‌رۆكێ‌ بنگه‌هێ‌ لالش تايێ‌ سنوونێ‌ بۆ وار گۆت: ئنتصار يووسف قوتابييا پۆلا سيێ ناڤنجيبوو و ژ مالباته‌كا هه‌ژاره‌‌.

د له‌هيێن سالا بۆريدا، هه‌مان كاره‌سات ل شنگالێ روودا ده‌ما بابه‌كي د بزاڤه‌كا رزگاركرنێدا ژ خه‌ندقينێ جانێ خۆ گۆري كچا خۆ كري. 

التعليقات (0)