|
قهسپ و حێشتر و دشداشه وهسا مه عينادا ژ ئهرهبان راكري، كو يا گههشتيه وي رادهي ئهم قهسپا ناخۆين و حهز ژ حێشترێ ناكهين و دشداشا ناكهينه بهرخۆ، چونكه ئهم دبێژين ئهڤه يێن ئهرهبانه، نۆكه ژي ئهز ئهرهبا ب دوژمنێن مه دنياسم، چونكه هێشتا خوينا مه يا ب دهستێن وانڤه، ئهڤه دروسته، لێ نزاتم كهنگي قهسپ يێن ئهرهبانه؟ تژي خانهقين قهسپن، تژي وهلاتێن رۆژههلاتا ئاسيا قهسپن، ئهڤجا ئهم ناخۆين چونكه يێن ئهرهبانه؟ ئهو چوو، حێشتر، گيانهوهرهكه خۆدێ يێ چێكري، ئهو ژي لسهر ناڤێ ئهرهبان تاپۆ نهكريه، تژي ئوستوراليا حێشترن و ب سهدان وهلاتێن دي ژي ل دنيايێ، دشداشه كي دبێژيت يێ ئهرهبانه، پاكستان و ئهڤغانستان و هندستان و ..هتد. ههمي دشداشا دكهنه بهرخۆ، واته ژ ڤان ههرسێ بابهتان نه يا خهلهته، ههكو ئهم راست دبێژين، بلا ئهم وهكو فكر و مهژي وهكو ئهرهبان نهبين ئها ئهڤه يا دروسته، هێشتا و حهتا نۆكه گهلهك ژ مه يێ لبن ئايدۆلۆژيا و فكرا كهڤنه پهرستيا ئهرهبان دداخبارين، حنێر نه ئهوه ئهم قهسپا ژ كهربێن ئهرهباندا نهخۆين، سهرهراي وێ چهندێ كو هندهك دخۆن ژي نه ژبۆ خوارنا قهسپێ، بهلكو ژبۆ حهز ژێكرنا ئهرهبان، يا ژمنڤه گرنگ ئهوه ئهم مهژيێ خۆ ژ مهژيێ وان بشووين، وهك نموونه دێ بێژم، حهتا نۆكه گهلهك ژمه دبێژن سهلاموعهلهيكوم و نابێژن دهمێ ته باش، ئهرێ كيژان شرينتره؟ ئهرێ ما ئهڤه نه داخباربوونه ب مهژيێ ئهرهبان؟ هێشتا گهلهك ژمه دبێژن ئهخي و نابێژن برا، ئهرێ ئهڤه چ واتايێ ددهت؟ راسته خالا مه و ئهرهبان پێكڤه گرێددهت، ئاينێ پيرۆزێ ئيسلامێ يه، لێ چ جاران ڤي ئايني نه گۆتييه مه ب زمانێ خۆ نه ئاخڤن، نه گۆتييه مه ئهگهر تو ب ئهرهبي نه ئاخڤي دێ چييه جههنهمێ، نه بتنێ ب زمانێ كوردي، ب سهدان زمانێن دي ژي ل دنيايێ ههنه و خهلكێ وان موسلمانه، لێ ئهو ژي ب زمانێن خوه دئاخڤن، يا ژمنڤه بلا ئهم پيچهكێ مهژيێ خۆ ب لڤينين و خۆ رێزێ ل هزرا خۆ يا رهسهن بگرين و بلا مهژيێ مه نهبيته ئێخسيرێ مهژيێ چ نهتهوێن دي و بزانين ژ قهسپێ و حێشترێ و دشداشهي نه يا خهلهته. وار المشاهدات: 99 التعليقات
(0)
|
.jpg&w=70&h=80&zc=1 "في ذكرى استشهاد 24 عاملاً إيزيدياً يوم 22 نيسان 2007 في الموصل")
.jpg&w=80&h=80&zc=1 "نهرمين سندي- مفا ژ خودان ئهزموونان")
.jpg&w=80&h=80&zc=1 "خدر شاقولى - شنگال")
.jpg&w=80&h=80&zc=1 "چیم دابوو له عهشق-ئهڵماس مستهفا")
