|
بێ گومان بياڤهكێ وهكي بياڤێ زانكۆيێ باشترين زهمينهيه بۆ دروستكرنا پهيوهنديان دناڤ بهرا گهلهك كهسان و ب گهلهك شێوازان ، و ههر كهسهكێ خواندنا خوه، ل زانكۆيێ يان پهيمانگهههكێ بدوماهيك ئينايي چهندين شێوازێن پهيوهنديان لبيرا وي نه. پهيوهندي د ناڤ بهرا ئهندامێن زانكۆيێ ( ماموستا، قوتابي ، فهرمانبهر ) دزۆرن، و ب گهلهك شێوازانه، پهوهنديێن پوزتيڤ و نێگاتيڤ ههينه، وپهيوهنديێن بهرههمدار و بێ مفا ژي ههنه، و پهيوهنديێن خيزاني ژي گهلهك د ناڤ ڤي بياڤي دا دروست دبن. وهك گهلهك كهسێن دناڤ زانكۆيي دا چهند سالهك ژ ژيانا خۆ بوراندين دزانن كو شێوازێ پهيوهنديان پتر يێ تهندروست و ساخلهمه، و پالدهره بۆ دروستكرنا پهيوهنديێن بهردهوام، لێ د ههمان دهم دا ، هندهك جورێن دي يێن پهيوهنديان ههينه، بو نمونه، هندهك ماموستا د دهمێ كارێ ماموستايێ، ئهڤينيێ دگهل قوتابيهكا خوه دكهن، و دهمێ دبنه ههڤژينێن ئێك ، ماموستا ب وێ باكگراوندا خوه يا زانستي و كهسايهتيا خوه يا نهفس بلند، ئێكسهر پشتي دبنه خيزانهك مافي نادهته ههڤژينا خوه خواندنا خوه بدوماهيك بينيت و دبيته كابانيا مالێ. ئهڤهژي ڤهرێژا پهيوهنديانه، وهك هونێن بهرێز دزانن. نهك تنێ ئهڤ نمونه بهلكو هندهك نمونهيێن دي ههينه يێن پهيوهنديان، دهمێ دوو ماموستا گهلهك دبنه ههڤالێن ئێك ، وپشتێ دبنه د دوو بهشێن جياواز دا ئو دبنه ههڤركێن ئێك، پهيوهنديێن وان ب شهرمهزاري ڤه بدوماهيك دئێن ، بهس نهههموان . جورهكێ دي يێ پهيوهنديان ههيه، دهمێ دوو ماموستا پێكڤه ڤهكولينهكێ ئهنجامددهن، وپشتي بدوماهيك هاتنا ڤهكولينێ، ئێكسهر پهيونديێن وان تێكدچن، چونكێ ههر ئێك ژوان ئهوێ دهستكهفتێ بخوهڤه دئينيت، يان ئێك دبێژيته يێ دي، ئهگهر من وه نهكربا وهسا نهدبو، يان ئێك دێ هندهك پهرتوكێن ئێدي بهرزه كهت .... و ههتا دوماهيي، ئهڤه پهيوهنديێن زانستي نه ، و ڤهرێژا وانه. پهيوهندي د درێژين و پهيوهنديێن زانكۆيي گهلهك ب تامێن خوشن ههروهسا جاران گهلهك د تهحلن، دهمێ ئێك شهش ههفت سالان حهز ژ ماموستايهكێ دكهت يان قوتابيهكێ و پشتي هنگي ههر ئێك بهرڤ ئاقارهكي دچيت، و چيروكا وان، دبيته گوتگوتك و بهنيشتێ ديوانا. بێ گومان ئهم ههمو دزانين كو پهويهندي تشتهكێ سروشتي يێ ژيانا رۆژانه يه، لهورا گهلهك جورێن دي يێن پهيوهنديان دروست دبن دناڤ زانكۆيێ دا ، ئو گهلهك ژ وانه بۆ دهمهكێ درێژ دمينن بتايبهت دناڤ بهرا قوتابيان ب ههردوو رهگهزان ڤه، يان وهك گروب، كو گهلهك ژوانه روندهكا دبارينن رۆژا ئاههنگا دهرچونێ، وهندهك پهيوهنديێن دي ژي ههنه، دبنه ئهگهرێن دروستبوونا شێوازهكێ دي يێ ژيانێ، ( بازرگاني، پهيوهنديا مصلهحهتێ، پهيوهنديا دپشترا بخرابي بهحسێ ههڤالێ خۆ بكهي ... و تا دوماهيێ ) وهك ههر بياڤهكێ ژيانێ باشترين ڤهرێژا ژيانا زانكۆيێ ئهوه پهيوهنديێن خوش وشرين، ويێن تهحل و ترش ، دگهل ههموان دا چيروكێن سهير و جياواز دروست دبن، ودهێنه ڤهگوهاستن دناڤ جڤاكي دا، بهلێ مخابن نهوكي روداي، و ههر كهسێ ژيانا وي يا زانكۆيي ل بيرێ يه پشتي خواندنا ڤي بابهتي دێ هنده چيروكێن پهيوهنديان لبيرا وي ئێن. * رێڤهبهرێ راگههاندنا زانكۆيا دهوك evro المشاهدات: 97 التعليقات
(0)
|
.jpg&w=70&h=80&zc=1 "في ذكرى استشهاد 24 عاملاً إيزيدياً يوم 22 نيسان 2007 في الموصل")
.jpg&w=80&h=80&zc=1 "نهرمين سندي- مفا ژ خودان ئهزموونان")
.jpg&w=80&h=80&zc=1 "خدر شاقولى - شنگال")
.jpg&w=80&h=80&zc=1 "چیم دابوو له عهشق-ئهڵماس مستهفا")
