بوچی تێ ناگەهی؟ مهاباد حەمید

ئەڤە مەرگێ هەلبەستا منە

گوری تە دبیت!

ئەڤە فیستەڤال و سالیا دا عشقا منە

تە خەلات دكەت

ئاها ئەڤە سالەكا دی

ماچی دەهمانێت مە كر و

تێ نە گەهشتی كو چركەكا دویركەفتنا تە ژ من

گولانەكا عەرەبی یە

تێهناتییا غەریبیا تە

تبل مێتنە.. شیرڤەبوونە

ئاخ عیشقا كولانەكا پاییزی

تێ نا گەهی كو سنورێ تە

من دڤەژینیت.. و

ئێڤارەكا توزكەوی نەشێت

هزرێت من یێت ئازراندی

ب ڤەجەمینتە خانیكێ وان

ئەڤە وەرزێ چنینا ستێرا یە

كەزاختنا هەیڤێ یە

وێ بڕیارا سێدارەدانا سنورێن مە دا

بو مە داڤ دناڤ بەفرێ دا ڤەدان

ماچی تە بكەم

ئەگەر وەبكەم ..

دێ پیروزییا من دكولانێن گوندی دا

چیتە خارێ؟؟

ئەرێ دێ عشقا من تە كەتە ڕوژ

یان خەونێن ساڵەكا نەخری؟؟

هیڤیدارم تو تێ بگەهی

كو خوداوەندەك ژ ئەندێشێ

ڕوژێ سەد جار من دكەتە بیك و

ب ترومبێلا هەمی ئێڤاریا

دبەر پەیاسێن مە ڕا دچووی

بو تە دئینیت

من نەڤێت ژ تە ب ڕەڤم..

نە ژی ببمە باران و

وەرزی ب دوماهیك بینم

من چ جارا حەز ژ خالێن ڕەش

نە كریە

لێ حەز دكەم ئەڤ نامە ژی

وەكی یێن دی

د پوستێ تە دا ژەنگی نەبیت...

chavder 

           2011-12-28 

التعليقات (0)